Home > ຂ່າວຕ່າງປະເທດ> ມາເລເຊຍ ຕັ້ງໜ່ວຍສະເພາະກິດປາບປາມໄຂ້ເລືອດອອກ
Updated: 2014-07-03 16:10:38
Viewed : 656
ມາ​ເລ​ເຊຍ​ຈັດ​ຕັ້ງ​ໜ່ວຍງານ​ໃໝ່​ຂຶ້ນ​ມາ​ເພື່ອ​ຮັບ​ມື​ກັບ​ໄຂ້ເລືອດ​ອອກ​ໂດຍ​ສະ­ເພາະ ຫຼັງຈາກ​ຈຳ­ນວນ​ຜູ້​ເສຍ​ຊີ­ວິດ​ດ້ວຍ​ພະຍາດ​ນີ້​ເພີ່ມ​ສູງ​ຂຶ້ນ.


ມາເລເຊຍ ຕັ້ງໜ່ວຍສະເພາະກິດປາບປາມໄຂ້ເລືອດອອກ

 

ມາ​ເລ​ເຊຍ​ຈັດ​ຕັ້ງ​ໜ່ວຍງານ​ໃໝ່​ຂຶ້ນ​ມາ​ເພື່ອ​ຮັບ​ມື​ກັບ​ໄຂ້ເລືອດ​ອອກ​ໂດຍ​ສະ­ເພາະ ຫຼັງຈາກ​ຈຳ­ນວນ​ຜູ້​ເສຍ​ຊີ­ວິດ​ດ້ວຍ​ພະຍາດ​ນີ້​ເພີ່ມ​ສູງ​ຂຶ້ນ.

     ທ່ານ ນາ​ຈິບ ຣາ​ຊັກ ນາ­ຍົກ​ລັດຖະ​ມົນ­ຕີ​ຂອງ​ມາ​ເລ​ເຊຍ​ສະ­ແດງຄວາມ​ຫວັງ​ວ່າໜ່ວຍ​ງານ​ນີ້​ທີ່­ຢູ່ພາຍ​ໃຕ້​ການ​ນຳ​ຂອງ​ຮອງ​ນາ­ຍົກລັດ­ຖະ­ມົນ­ຕີ​ຈະ​ຊ່ວຍ​ຄວບ​ຄຸມ​ຈຳນວນ​ຄົນ​ເຈັບ​ບໍ່​ໃຫ້​ເພີ່ມ​ສູງ​ຂຶ້ນ ຂະນະ​ດຽວ​ກັນ​ກໍ​ສາ­ມາດ​ດຳ­ເນີນມາດ​ຕະ­ການ​ປ້ອງ​ກັນ​ໂລກ​ນີ້​ໄດ້ຢ່າງ​ມີ​ປະ­ສິດ­ທິ­ພາບ​ທົ່ວ​ທັງ​ປະເທດ. ຂໍ້​ມູນ​ຂອງ​ກະ­ຊວງ​ສາ​ທາລະ​ນາ​ສຸກ​ມາ​ເລ​ເຊຍ​ສະ­ແດງ​ໃຫ້ເຫັນ​ວ່ານັບ​ຕັ້ງ­ແຕ່​ເດືອນ​ມັງກອນŒວັນ​ທີ 21 ມິ­ຖຸ­ນາ​ທີ່​ຜ່ານ​ມາມາ​ເລ​ເຊຍ​ມີ​ຜູ້​ເສຍ​ຊີ­ວິດ​ຍ້ອນ​ພະຍາດ​ໄຂ້­ເລືອດ­ອອກ​ຈຳ­ນວນ 82 ຄົນ ເພີ່ມ​ຂຶ້ນ​ຫຼາຍ​ກວ່າ 3 ເທົ່າ ຈາກ​ໄລ­ຍະ​ເວ­ລາ​ດຽວ​ກັນ​ຂອງປີ​ທີ່​ຜ່ານ​ມາ ຂະ­ນະ​ທີ່​ຈຳ­ນວນ​ຄົນເຈັບ​ເພີ່ມ​ຂຶ້ນ 3,5 ເທົ່າ​ມີ​ຈຳ­ນວນກວ່າ 42 ພັນ​ຄົນ.

    ຄະ­ນະ​ຜູ້​ຊ່ຽວ­ຊານ​ລະ­ບຸ​ວ່າຈຳ­ນວນ​ຄົນ​ເຈັບ​ທີ່​ຫຼາຍ​ຂຶ້ນ​ເປັນ​ເພາະ​ສະ­ພາບ​ອາ­ກາດ​ຮ້ອນ​ຫຼາຍໃນ​ປີ​ນີ້ເຮັດ​ໃຫ້​ຍຸງ​ລາຍ​ນຳ​ເຊື້ອພະ­ຍາດ​ຂອງ​ໄຂ້­ເລືອດ­ອອກ​ຂະຫຍາຍ​ພັນ ແລະ ແພ່​ເຊື້ອ​ໄດ້​ງ່າຍ (ຕາມ​ຂ່າວ​ຕ່າງ­ປະ­ເທດ).

Related items