Home > ຂ່າວຕ່າງປະເທດ> ຍອດການຄ້າຣັດເຊຍ-ຈີນ ເພີ່ມຂຶ້ນ 200 ຕື້ໂດລາ ໄວກວ່າເປົ້າໝາຍທີ່ວາງໄວ້
Updated: 03/07/2014
Viewed : 938
ທ່ານ ດະ​ມິ​ຕຣີ ໂຣ​ໂກ​ຊິນ ຮອງ​ນາ­ຍົກ­ລັດ­ຖະ­ມົນ­ຕີ​ຣັດ​ເຊຍກ່າວ​ວ່າ: ມູນ​ຄ່າ​ການ​ຄ້າ​ທະ­ວີ​ພາຄີ​ລະ­ຫວ່າງ​ຣັດ​ເຊຍ ແລະ ສປ ຈີນ ອາດ​ເພີ່ມ​ຂຶ້ນ​ເຖິງ 200 ຕື້​ໂດ​ລາສະ­ຫະ­ລັດ ກ່ອນ​ເຖິງ​ປີ 2020...

 

 ຍອດການຄ້າຣັດເຊຍ-ຈີນ ເພີ່ມຂຶ້ນ 200 ຕື້ໂດລາ ໄວກວ່າເປົ້າໝາຍທີ່ວາງໄວ້




     ທ່ານ ດະ​ມິ​ຕຣີ ໂຣ​ໂກ​ຊິນ ຮອງ​ນາ­ຍົກ­ລັດ­ຖະ­ມົນ­ຕີ​ຣັດ​ເຊຍກ່າວ​ວ່າ: ມູນ​ຄ່າ​ການ​ຄ້າ​ທະ­ວີ​ພາຄີ​ລະ­ຫວ່າງ​ຣັດ​ເຊຍ ແລະ ສປ ຈີນ ອາດ​ເພີ່ມ​ຂຶ້ນ​ເຖິງ 200 ຕື້​ໂດ​ລາສະ­ຫະ­ລັດ ກ່ອນ​ເຖິງ​ປີ 2020.

      ຮອງ​ນາ­ຍົກ­ລັດ­ຖະ­ມົນ­ຕີ​ຣັດເຊຍ​ເປີດ­ເຜີຍ​ເລື່ອງ​ດັ່ງ­ກ່າວລະຫວ່າງ​ເດີນ­ທາງ​ເຂົ້າ​ຮ່ວມ​ງານວາງ­ສະ­ແດງ​ສິນ­ຄ້າ​ຣັດ​ເຊຍŒຈີນໃນ​ນະ­ຄອນ​ຮາຣ໌ບິນ​ໂດຍ​ລະ­ບຸ​ວ່າມູນ​ຄ່າ​ການ​ຄ້າ​ລະ­ຫວ່າງ​ຣັດ​ເຊຍ ແລະ ຈີນ ມີ​ທ່າ​ອຽງ​ທີ່​ຈະ​ເພີ່ມ​ສູງຂຶ້ນ​ຈົນ​ອາດ​ບັນ­ລຸ​ເປົ້າ​ໝາຍ​ຢູ່​ທີ່​ລະ­ດັບ 200 ຕື້​ໂດ​ລາ​ໄດ້​ກ່ອນ​ປີ 2020 ຊຶ່ງ​ໄວ​ກວ່າ​ເປົ້າ​ໝາຍ​ເດີມ​ເຖິງເກືອບ 5 ປີ. ທ່ານ ໂຣ​ໂກ​ຊິນ ກ່າວວ່າ ຖື​ເປັນ​ເລື່ອງ​ໜ້າ​ຍິນ​ດີ​ທີ່​ມີ​ມູນຄ່າ​ການ​ຄ້າ­ຂາຍ​ລະ­ຫວ່າງ​ມຸ​ສ​ກູ ແລະ ປັກ​ກິ່ງ​ມີ​ທ່າ​ອຽງ​ບັນ­ລຸ​ເປົ້າໝາຍ​ໄວ​ກວ່າ​ກຳ­ນົດ ແລະ ນີ້​ຖືເປັນ​ສິ່ງ​ທີ່​ບົ່ງ​ຊີ້​ຄວາມ​ສຳ­ພັນ​ອັນ​ສະ­ໜິດ​ແໜ້ນ​ລະ­ຫວ່າງ​ປະ­ເທດ ທັງ​ສອງ. ກ່ອນ​ໜ້າ​ນີ້​ໃນ​ເດືອນ​ພຶດສະ­ພາ​ທີ່​ຜ່ານ​ມາ ຣັດ​ເຊຍ ແລະ ຈີນ ຫາ​ກໍ​ບັນ­ລຸ​ຂໍ້​ຕົກ­ລົງ​ການ​ຮ່ວມ​ມືປະ­ຫວັດ­ສາດຈີນ​ຕົກ­ລົງ​ສັ່ງ​ຊື້​ແກ໊​ສຈາກ​ຣັດ​ເຊຍ​ໃນ​ມູນ​ຄ່າ 400 ຕື້ໂດ​ລາ. ໂດຍ​ຂໍ້​ຕົກ­ລົງ​ດັ່ງ­ກ່າວ​ນີ້​ຄວບ​ຄຸມ​ການ​ສົ່ງ​ມອບ​ແກ໊​ສ​ທຳມະ​ຊາດ​ຈາກ​ຣັດ​ເຊຍ​ສູ່​ຈີນ​ດົນ​ເຖິງ   30 ປີ.

      ນອກ­ຈາກ​ການ​ຄ້າ­ຂາຍ​ລະຫວ່າງ​ກັນ​ປົກ­ກະ­ຕິ​ແລ້ວຜົນ​ຂອງສົນ­ທິ­ສັນ­ຍາ​ມິດ­ຕະ­ພາບ​ດັ່ງ­ກ່າວ​ຍັງ​ສົ່ງ​ຜົນ​ເຮັດ​ໃຫ້​ຈີນ​ກາຍ­ເປັນລູກ​ຄ້າ​ລາຍ​ໃຫຍ່​ທາງ​ການ​ທະຫານ​ຂອງ​ຣັດ​ເຊຍ​ເຊັ່ນ​ກັນ​ເຫັນ ໄດ້​ຈາກ​ຍອດ​ສັ່ງ​ຊື້​ອາ­ວຸດ​ຍຸດ​ໂທ​ປະກອນ “ທີ່​ຜະ­ລິດ​ໃນ​ຣັດ​ເຊຍ” ຈາກລັດ­ຖະ­ບານ​ຈີນ​ມີ​ອັດ­ຕາ​ສ່ວນ​ສູງເຖິງ 25Œ50% ຂອງ​ການ​ຂາຍອາ­ວຸດ​ຂອງ​ລັດ­ຖະ­ບານ​ຣັດ​ເຊຍ (ຕາມ​ຂ່າວ​ຕ່າງ­ປະ­ເທດ).

Related items